Tabratt «ubrubru

Tabratt «ubrubru

 

Attan  ɣur-wen tebratt  taliktrunit  i  d-i dḥan iḍelli di “facebook” sɣur yiwen umdakkel  aqdim :
Azul a yaḥbib,
Ferḥeɣ mi k-id-ufiɣ deg aẓẓetta tissist n lnternet , mi walaɣ isem-ik akk d  wudem-ik, mmektaɣ-d lakul n  tuddert n lḥif akk d wedrar n nnif i yessurugen tayri deg wasif.

Tira inu ass-aki, akken ak-d-inniɣ belli aqli-yi dakki gar-awen di Muntryal (Montréal), di tezniqt n  Saint-michel mačči d tarumit i d-tebεaɣ am zzman-iw, tura d amɣar, tayri-w temmut, rriɣ-as timdlin  akken i tent-terram fell-i.
Ẓyara-w tawezlant i sidi-Micel, mačči d tabratt  a idebbiɣ i tmirett am useggas iâeddan, asmi  yeggegeg lemleḥ, i nɣil a d-iban asseḥ , asmi i nesla i Marcel inṭeq-d  s tmaziɣt, neẓra tafsut di yennayer. Lamaεni nufa-d talwiḥt tεelleq nekkkni s Imaziɣen umuṛedj, mi tewweḍ s ajmam tenɣel, akka i tḍerru d bab  n nniya i  iḍemεen tagmat deg muḍan, wid-ak i yettrebbin tismin tid-ak  i yexlan  tuddrin, a ddin uqabac, εuzgeɣ, ddreɣleɣ,  mi ẓriɣ taqbaylit  teqqel d ayla nsen.

_Ma yella iṭṭij  iɣreq di lebḥar usigna,
Ifka-d i ddunit lmuja n ṭlam n tmara,
Tebrek-is tenɣla tamuɣli di taṭṭuccin wwalen,
A bab n tmusni, yeεreq webrid ger ukessar d usawen,
A win ibedden, ulac  a  twaliḍ, Ulac a  d-awiḍ.
Leqrar n tmuɣli-k  d allen  wwawal!

Γef  aya-ki , ad kkseɣ lemri seg udem-iw akken a tin zziɣ ɣurwen, atan yeččur wul, tassa, ɣef yir ssuq i d-inulfan daki  di Muh’-Talun, taluft n yisem-is  meqqrret, meṭṭlen-kken d imuduren, awi iheddrren, awi ifehmen.
Iṭṭuqet uɣebbar deg webrid almi  i mmundlent   wallen, ahat d  taaǧaǧt is i d' awen i sedreɣlen taṭṭuccin nwen, rẓan awen ifadden, wissen amek a da wen-tkemmel a li `Brubru`  n Munryal? Waqila iḍul ssuq-is , xussen  saεtac i εecrin ay  irgazen, tura a d nedheɣ s tlawin imi tisura n tegrawla ɣursent i yettilint.
Awen  d-xiḍeɣ akustim, ad sxedmeɣ cwiṭ  ifassen-iw , alama sseḥfaɣ lemqes-iw, ahat ad yifsus wul-iw ?  akka  i d tafellaḥt-iw:

Iffuk ukampi deg Uswel ak deg Awqas, ifutaɣ  lstup deg utrrranci, aqli-yi di (Montreal), di tezniqt n’Saint- Michel(sidi -micel), ljiran-iw d alɣem absekkri, akk-d weɣyul amẓabi,i ykerrzen ,  i teddnen,i teɛerriben,i ttrebbiben, ...i yesserwaten  akken  i sen-ihwa, as tinni-ḍ  n baba-tsen Taxuxt, aberrbac n wallen di tmurt iderɣalen d azzerqaq.
Abuh a tulawin!
Newwi daεwessu am akken nhud lbar, nerbeḥ nufat,  leǧwameε  zdat n wemnar.
Mačči kan daya, ḥnunfeɣ am  umɣar almi d  ‘abulvar’.
Ẓriɣ laεǧebb, taqebqubt teḥjeb.
«Et oui!!! » Tura fukken yergazen, René Levesque s ileẓwi i txenqen, di L’Merruk!
Igrawliwen  n FLQ akk d Aɛmiruc nɣan ten  di  Mascouche!
Ğğant-id imzwura: “Abdeṛeḥman fares wi yeccan kra  a t–ixelles“
Abuh a tulawin!
Abeḥri amaynut i d-ibub weqdim, wid-ak t-issudnen ugaden amesdrar ad inger, wid-ak t-iɣunzan kukran tawaɣit udegger.
ɣurwet wi icennun Taḥya berzidan, mulac ad as fken amkan n ubama di Marikan.
D agellid i yessen wegdud, netta ur tnissin ara, a dderya ntata.
Ur kkat a gma i neṭṭed, wissen iswi nneɣ ma t-naweḍ?
A bbuh a tulawin!

Ay itezzi walaɣ-iw, itteneḍ yiles-iw, lsiɣ nwaḍer-iw, walaɣ targit-iw :
Macahu, ɣef tuzya n  wasif n saint Laurent ɣef tegzirt n tizi-wezzu, caylelleh a y aassas n Gurraya deg udrar n Mont-Royal.
yefra ssuq n «Les Messalistes» di Brébeuf, yendeh DJ n «Les Centralistes-Berbères» di Safir.
_A Tidukkliwin n laẓ, ay iqudam idelsanen,
Ajxar Ileɣman n Montreal, tajlibt Imaziɣen n sseḥra,
Seqzuzem Taxsayt i la poutine, Seqqit afermaj i seksou ,
A Ssiru n Mascara, a `les coteaux  d’érables’,
A yaxerrub n Swis, a cikula n sidi Ali Bunab,
 Ṭṭfet amitru d waɣzen, ḥkut i-yi-d tamacahut n Snowdon...
I  turwemt  a tulawin!!!
 Talwit a Yaksel, imi Zriɣ tettucebbleḍ, ttara aḍar-ik ɣer defffir imi  k-ssnegh tettekireḍ.
Azul ameqran merra i widak yeddren mmuten.
 Yiwet yiwet kan, Tagrawla tettkemmil ulukan kečč d lmeytin, d Lenine niɣ Yacine.
Sɣur  Yidir.
Montréal ass 30 ɣuct 2960.

Isbek wallaɣ-iw, yeggugem yiles-iw, yuqaa wawal.
Ad yesbek wallaɣ nwen, ad ggugmen yilsawen nwen, a wen-yuqaa wawal, a nerrjut kan Tagrawla a tt-id-arwent tlawin....

Aksel At-Ḥarb
Montréal Ass n 31 ɣuct 2960